Unu in Suhba?

This post is also available in: Anggalis, Bahasa Indonesia, Purtugis (Brazil)

Unu in Suhba?

Maulana Shaykh Nazim maghindu adlaw adlaw, in haupu ka’patan taglima 45 minit panghindue tiyawag ta Suhbahs. Malawak in ma’ana niya, in Suhbah hatiniya pagtipun atawa pag tarbilang. Ha kalawman sin panghati sin kailma Suhbah gimuwa’ in bahasa niya Sahabahs (Kakasi/Bagay sin Nabi) kiyawa daying ha kalima ini. In Nabi (saw) mag lamud siya iban sin mga kabagayan niya, ha katiluagan sin Kasilasa iban kasuuk pagtaymanghuri. In kalasahan natu’ Nabi (saw) mag dihil siya amu in panghati maluhay taymaun, Magdihil pamandu’ sa lingkat lingkat, amun hika taas sin darajat sin sahabahs pa sa taas taas darajat sin manusiya. Suhbah makahinang ha tau awam pa sa taas taas darajat kabagayan kakasihan sin katammatan sin Kanabihan.

In Nabi (saw) hambuuk ha maligkat kaul-palangay suntuan amu in subay agarun ta niyu. Atawa singuran. In Nag pa awn sin Tariqat, Shah Naqshbandi Al-Uwais Al-Bukhari (qs) nakamatud niya biyalikan in lapal, “In Tiranan natu’ Barjamaa, amu in awn Karayawan ha Pagtipuntipun.

Ha panghindui bihayaun nagdara na amun sigpit (pasal sin exams), kamatauran tuud sin waktu, In mastal muna muna tuud way niya hihinang in pamandu’ niya, Miyari sila timayma’ ha panghindui sin Islam, pangadji iyusal, para makakawa sila Katarrangan atawa Degree.

 

Unu in Kanyuknyukan sin Pag pangadji?

Dumihil sin Panghati.


Unu in kahantang sin Panghati?

Panghati ha Pagtuhan amu in nag pa awn kaymu, ha supaya ma sabunnal tuud in Kalagguan/kabasaran Niya, Ha supaya matayma’ mu in kasilasa niya mawun kaymu, Ilmu’ sin Rasulullah (saw) amun Kakasi sin Tuhan, amu in piyardaakan katu’ mangagari ha kakahinang niya (ha kahatihan ta Sunnah), pasal amu yadtu in tiranan ka ridaan kita sin Tuhan.

 

Harap pa kain Dahun kaw sin Ilmu?

Imingat sin hisiyu kaw tuud (Kasabunnalan Awal kajari mu piyapanjari Niya), Humati haunu na kaw biyaun, Humati mahi’ kaw yari, iban humati harap pa kain in Lanjal mu.

 

In kahinapusan sin kasabunnalan Panghati?

In Pagtibuuk sin kapatibaba’, hambuuk nagsabunnal, hambuuk mabaya’ mag sussi sin baran sa kahaba’ waktu, hambuuk tau marayaw, hambuuk amu in mag sangsa’ sadja siya pa Tuhan niya, hambuuk maglawag sin karida-an sin Tuhan niya amun in hinapusan Datungan niya. “ Ya Tuhan ku, in Rida’ mu, Sulga’ namu’.

 

In mga pag papangadjian biyaun maka paguwa’ sila biya sin hambuuk biyadtu?

Kamahangan tuud.

 

Mayta?

Pasalan sin kiyabin natu’ na in kakahinang iban panghindu’ sin Nabi (saw) diya – manglamuri ha mga kamuriran ha pagpatibaba iban tiranan maluhay, Dumihil panghati amu in ha matayma’ sin sila, iban inut inut patu’lirun in kalalaungan nila, amun taymaun in mga kakulangan nila.

 

Biya’diin in kabatuk natu’ sin amun Suhbah biyadtu, amun ha pagtipuntipun mataud tuud makawa’ hikmat amu ha sabunnal tiranan in pagtukbal sin Panghati?

Lawaga in Kiyawakilan sin Nabi (saw), warisatul anbiya’, amun sila taga panghati kiyabinan sin Ilmu ha tiranan sin Kakasi, in Tiranan sin Kakasi, amun Tiranan duma pa salamalama Kasannangan.


Maulana Shaykh Nazim, amu in tiyukbalan website ini, wayruun tuud siya nangaku sin kahalan in siya amun kiyabinan, sa’ ha way sabanding iban patibaba’ dahan niya, buhi’ duun kaniya in Kakahinang sin Nabi (saw), In kitaniyu sabunnal tuud nakahampit sin karayawan ha makahagdil kitaniyu sin panghindu’ masannang daying ha pamaybay natu’. (on www.Saltanat.org)

In Website ini kumawa’ sin kasampurnaan sin manga Suhbah ha saluhay luhay bassahun iban saluhay luhay tumtumun, mahasil sin mga landu’ ligap manusiya sin 21st century.