Panibaw pa Tampat sin manga Awliya’, awun mahampit dayindi

This post is also available in: Anggalis

Kahaupuan adlaw-adlaw Suhbah hi Maulana Shaykh Nazim

24th April 2010, Sabtu’

Panibaw pa Tampat sin manga Awliya’, awun mahampit dayindi

A’uzubillah himinash shaitan nirrajeem

Bismillah-hir Rahman-nir Raheem

Assalamu’alaikum wrh wbkt

  • Hi Maulana namayta’ in pinaka malamma ipun, subay kitaniyu mangayu tabang daying ha Aayan para hidihil in manga kagunahan iban manga duwaa natu. In kakawasahan dihil sin Allah ha manga piyapanjari ha dunya ini, daying ha Bismillahir Rahmanir Rahim, in manga sila Guru subay nila hipanghindu’ in Hurmat sin Bismillahir Rahmanir Rahim, amu in wayruun tubtuban hurmat duun Bismillahir Rahmanir Rahim, In katan sin tatabangan daying ha Aayan yaun ha Bismillahir Rahmanir Rahim. Katan sin hinag mu ma purna’ tibuuk duun ha pag pamung mu Bismillahir Rahmanir Rahim.
  • Ha wayruun Bismillahir Rahmanir Rahim, in manga kakahinag mu mahinang kulang halga’, bukun purna’ iban way tatabangan daying ha aayan – biya’ da sin jambangan way gamut niya. In manga jambangan way gamut niy, mabuhi’ da hangkarayi’ malayingkan mapatay ra magtuy. Sabda’ sin Raulullah (saw) in manga sila di’ magbassa Bismillahir Rahmanir Rahim ha katan kakahinang nila, biya’ da sin magtanum sila wayruun gamut – di’ siya lumaggu’ makawa’ niya in maksud niya, amu in karayawan sin maksud, iban sin katan huhurmatan daying ha Aayan amun piyagtutuyuan mu, katan sin Tatabangan iban sin kusug kabayaan mu daying ha Aayan – kabakan ha Bismillahir Rahmanir Rahim.
  • In hambuuk bas amun kaubusan na gasoline subay na hituud sin tau, para siya makaig. Bang awun gasoline niya, makaig siya maluhay iban makusug, misan pa siya nagdara tau iban kapanyapan, ha waktu ka ubusan na gasoline, di’ na siya makaig. In bas makaragan hadja siya bang awun pa gasoline ha tanki niya. Hi Mawlana siyugpat in kahalan ini kiyaingatan natu’ na biyaun, in karahan niya sumunud.
  • Hi Mawlana nagsuy suy hambuuk Arab ha desert, amu in miyanaw siya iban sin unta’ niya. Sin dum, in siya iban sin unta’ niya humundung para matug. Ha waktu siya makabati sin maynaat, kiyublaan siya in unta’ niya di’ na magnapas. Iyasubu niya in unta’ niya, “Na unu na kaw yan?” sin kahapun, makaragan kaw biya’ hangin! Ha bihayaun, kimulang na kaw dayindi, di’ na kaw makahibal, kitaa iban dunguga!” Bayta’ hi Mawlana in mga suysuy pa anggil ini mga pamandu iban panghati ha mga sila magtatali.
  • Hambuuk Arab dimatung madtu pa lugal nila, kita’ niya in hambuuk arab nagtatangis, imuulak dimara nagbissara iban sin patay na unta’. Simuuk siya sarta’ imasubu, “Mayta’ kaw nagtatangis?” in panagnaan arab maamu simambung, “di’ ku kahatihan, kahapun sadja in siya makasay marayaw in parasahan, mayta’ na biyaini na siya in adlaw yan?” in hikaruwa arab simambung, “Taymanghud ku, in unta’ mu miyatay na.” in panagnaan arab, simambung kiyublaan iban nainu inu. “harap na siya pa kain? Marayi subay ku siya lawagun iban saggaun magbalik.” In hikaruwa arab namayta,” in kiyawa’ ha unta’ mu di’ kaulinan iban di’ kakitaan iban kadungugan,; in ini nakatapuk salaggu’ laggu kusug daying ha Aayan tiyukbal sin allah pa katan sin piyapanjari niya.”
  • Ya kamu manga manusiya, naglawag kamu sin daya sin Dunya, dum adlaw. Nagtatawu kamu sen, bulawan iban manga mussa’ kumala’ intan – magpataud magtipun sin manga pangalta’ niyu – Tantu tuud mapatay ra kamu. In kabuhi niyu haddiya kaniyu sin Allah ( bukun ha pag baya’ niyu), makakita’ kamu, makarungug, iban makahibal (sampay pa kahinapusan sin kabuhi’ niyu), Amuna in salaggu laggu haddiya kaniyu – malaingkan hihinang niyu ra in kabayaan niyu, bukun amun pardaakan Niya kaniyu!
  • Ya Kamu manga manusiya, kumaun pagkaun marayaw, supplements iban manga pag exercise niyu di’ yan makapahaba’ sin kabuhi’ niyu. Mapatay kamu ha waktu kiyajanji – bihayaun bukun masamut atawa ha susungun – misan pa in katan sarayaw dayaw ubat inumun niyu ha Dunya.
  • Subay niyu pikilun awun duwa kusug yan ha ginhawa niyu ha baran niyu – in kusug di ha dunya (amu in kusug sin jasad niyu) iban kusug daying ha Aayan (para ha nyawa niyu iban ha spiritual niyu). In kusug kakhinang sin jasad mu in yan kusug daying ha aayan tiyukbal kaymu. In baran mu way kusug bang in spirit mu malamma. Kitaa ba in mayat yaun – ha waktu in spiritual kusug maig na, in baran di’ na makahibal! Bang in Kusug daying ha Aayan in yan Haddiya kusug daying ha Aayan, in manusiya maglagi siya divine tatabangan, ha manga kakahinang kabayaan niya hiinangun (Ha nasabbut hi Maulana in Bismillahir rahmanir Rahim ha panagnaan sin Suhbah). Magkagunahan kaw tuud kusug daying ha Aayan ha kabuhi mu, in manga hangkasasaat sin kabuhi’ mu, sampay na pa mugtu’ na in napas mu, in timatampal atawa panyap haddiya iban kusug si pangatayan. Subay kitaniyu duun ha Kusug sin Kawasa sin Spiritual tatabangan, daying ha Aayan, sampay mugtu na in napas mu di ha Dunya.
  • Katan sin manga Mulliya kabtangan amu in pagsabbutun mu para maabut mu in kabayaan mu. Bang wayruun kusug spiritual, biya’ da kaw patay; in baran mu di’ makahinang unu unu bang wayruun kusug daying ha Nagpapanjari. Hangkan sabbut kamu Bismillahir Rahmanir Rahim, hipu’ sin way tubtuban kawasa kusug kalauran ha lawum niya.
  • Pag ubus nasabbut hi Mawlana in kabahagi sin iban pagbutas sin ha lawum sin Islam. Bukun in niyat niya magpahulug, kasabunnalan in kabayaan niya, taabbitun sila magbalik pa Puunan, para awun mahampit nila. Nangasubu hi Mawlana ha hambuuk ha mastal lamud duun ha lawum tumpukan, amun pangasubu niya ha panagnaan (kitaa in Suhba sin 22/04/10), bang nila harap pa kain dahun nila in manga mureed nila? Nag da sila ba’gu Shari’ah pa Islam? Mayta’ nila nanugasi tuud sila’ sin sila tuud in subay maagad in panghati nila iban pangadji nila in bunnal tuud, bang in manga evidence atubang kanila matampal convincing? Wayruun daying kanila in mkaagad pa nababahagi ha agama amun sila dumungug ha ‘conscience’ ha pangatayan nila.
  • Hi Mawlana kimawa’ daying ha Ayat sin Qur’an, “Duun kamu ha manga Sadiqin (Manga tau bunnal).” (kitaa in Suhbah sin 27/03/10). In ini pardaakan daying ha Nagpapanjari in kitaniyu maglagi ha manga tau bihayadtu, iban dimidtu kanila. In manga sila agad ha manga nabahagi’ nakalamud, subay nila asubuhun in baran nila – mangadji sila duun iban magad sila duun. Katan sin lamud ha manga nabahagi subay nila asubuhun in baran nila, “Haunu ha manga sadiqin in aku miyamagad?” Subay niyu tuud hatihun pangadjiun bang in kamu yan nakaagad da ha pag-iyanun Sadiqin.
  • Hinang hi Maulana Piyagsapantun in nabahagi amu in namindahi sin Shariah, Kiyawa’ nila in baran nila in amu in nagpabuntul sin manga kasaan malugay na nahinang sin Ahlus Sunnah Wal Jama’ah panghati – amu in sila nabahgi nagpalubu sin manga kakubulan ha Makkah Al-Mukarramah (biya’ na sin kakubulan sin Ma’ala) iban na sin ha Madinah al-Munawwarah (biya’ na sin Kakubulan Baqi’). Unu in manga kahampitan makawa’, makakawa’ panghurmat daying ha manga paghula’ sin Muslim, amu himinang bihayadtu?
  • In Nabi (saw) nagsabda, “Pagtumtum kamu sin kamatay, iban tumtuma niyu in manga nagkamatay na,” Amun makapatumtum kaniyu sin kamatay iban sin adlaw ganagana. Awun pa dugaing Hadees, Ha waktu in Rasullah (saw) iyasubu sin manga Panaiban niya manga kabagayan niya bang biya’diin kaingatan in yaun wali (Saint) sin Allah, in Rasulullah (saw) simambung maamu, “Ha waktu mu aturun in Awliya’ amu in kalasahan ha Divine presence, in pangilahan niyu ini – in bahibu buhuk niyu timindug ubus katumtuman niyu in tuhan sin Aayan, in pangatayan niyu majugjug ha “awe” pag-inuinu iban baya’ niyu tuud Kaniya.” Amu yan in pangilahan niyu sin Pagka-awliya’.
  • Hangkanna in Nabi (saw) nagsabda, “Panibaw kamu Kubul sin manga Bar-iman.” Ha waktu kitaniyu manibaw kubul/Tampat sin manga Awliya, katumtuman natu’ in Allah, in Pangatayan natu’ majugjug landu’ in baya! Bang in manga maninibaw sin Ma’ala iban Baqi ha waktu ini, in nanamun niya biya’ siya sin timitindug ha kakubulan? Way! In kananaman niya nagtitindug siya ha mabuhangin desert amu in maluag iban biya’ manga awun hitanum pananum – wayna makatumtum sin kamatay didtu!
  • Bang sadja in kitaniyu makatindug ha Tampat sin bunnal Tampat sin Sayyidatina Khadijah Al-Kubra, majugjug kaw ha spirituality naug daying kaniya mawun kaymu, iban katumtuman mu in manga adlaw amun di pa siya ha dunya iban sin Nabi (saw), iban makatumtum kaw kamatay! Katumtuman mu nakaminsan limibut sila ha Dunya, malayingkan ha waktu biyaun yaun na sila kiyakubul duun, ubus in libut mari katu’ sumunud na isab. In ini patumtum in Tuhan sin Aayan naghinang ha katan.
  • Mahunit natu’ pikilun in manga katampatan nagkalubu na. in manga fanatic iban manga sila nakalandu’ in panghati sin manga landu’ in bungsi, awun kakahinang shaytan in kakubulan ini timatampal. Namayta’ hi Mawlana in manga katampat tampatan amu in malugay na duun sin tahun 1925). Mahi baha’ in manga bar-iman naghuihula duun daying pa ha waktu sin Rasulullah (saw) sampay pa waktu yadtu, wayruun nila kita’ awun ha katampatan mahinang natu’ dusa pa Allah? Wayruun sila naghibal ha manga katampat tampatan ini, piyag addatan nila iban way binin nila biyadtu kahantang ha manga tahun naglabay,sampay dimatung na in manga mababaw-pamikil mabungsi amun manga nasasakit in panali manga sila fanatic liyubu inpinaka mahalga sin Panumtuman sin Islam – Manga tampat sin million Awliya, amu in manjari natu tibawun makatumtum kitaniyu sin Kamatay amun marayaw parasahan, in paglupa sin kamatay sakit na sin manga ha waktu bihayaun (kitaa in Suhbah sin 23/04/10).
  • Hi Mawlana nanawagtawag ha manga nabahagi, hipatali kanila hipananam, para hundungan in manga mahunit pu’puun pag-atubang, tumabuk sila sin kasabunnalan iban magtaubat, Bang di’in sila ha lawum kabubugaan paratungun sin Allah kanila.
  • In manga magpapasampay subay sila manghindu’ sin kasabunnalan Aqeedah (kasabunnalan sin iman iban pangahagad). Hi Mawlana nagduwaa ha kaampunan sin katan, iban ha manga sila nakaagad pa manga nabahagi kaguruhan, makabalik sila pa kasabunnalan mabuntul dan.
  • Hi mawlana tiyalus niya ha manga rhythmic dhikr iban namayta’ in manga sila nawafat ha kasabunnalan mkarungug sila sin manga paglangan sin manga angelic realms mapinda sila daying ha Dunya pa salamalama kabuhi’ ha ahirat.

Fatihah.

 


About Khalid (Bahasa Sug/Tagalog)

A Lowest Servant
This entry was posted in Suhba. Bookmark the permalink.