Subay kaw kumawa Kamulliyahan ha Ulan sin April!

This post is also available in: Anggalis

Maulana Shaykh Nazim’s 500 Suhbah Series

Subay kaw kumawa Kamulliyahan ha Ulan sin April!

9th May 2010

A’uzubillah himinash shaitan nirrajeem

Bismillah-hir Rahman-nir Raheem

Assalamu’alaikum wrh wbkt

(In Suhbah ini kiyatukbal hangkatahun na in limabay, lamud ha limanngatus suhbah hi Maulana hipa patung pangadji-un marayaw, para ha pag saddiya namu’ ha Tariqah pa tampat sin Rabbani. Timagna’ na kami kiyawa’ in kahaupuan sin manga Suhbah, hi Maulana magdihil da isab adlaw-adlaw patampal magpatumtum, hangkan nagtutuyu’ namu’ hihinang, iban magdungan, higuwa’ namu’ mari pa halaman natu’ ini.

In manga limabay Suhbah amuna in kahal-gaan sin Ulan ha April, ha bihayadtu awun tu-adlaw kamu’ timipun sin Kamulliyahan sin ulan, kiyapag-isunan namu’ in kahaupuan niya unahun daying sin manga kaybanan para waktu nila.)

In ikaw Tunggal, siya hi Muhammad (saw)

  • Hi Maulana timindug na Mamudji pa Tuhan amu in daran niya paghinangun, ampaniya biyayta’ pa manga mureed niya padungugun, in Allah in Tuput Tagdapu sin Sultanate, ha katan Pamudji, ha katan Panghurmat, Ha katan Panglaggu’, ha katan Majesty.
  • “Tuput Sila Kaymu ra, Ya Tuhan namu’! Dihili pa mataud panghurmat iban kalagguan iban majesty in Pinaka Kalasahan, Pinaka Pag-aaddatan, Pinaka Pupudjihun, amu in nagrepresents ha Mulliya Ngan mu daying ha panagnaan sampay pa hinapusan, Sayyidina Muhammad (saw)! Ikaw in “Ahad,” in siya Muhammad (saw)! Tuput Panglaggu’ ha tunggal Tuhan sin ‘Arsh, the Holy Throne.”
  • Hi Maulana nangayu’ tatabangan daying ha pamandu niya, ha supaya kahatihan tumampal pa manga nakasa’bu simasa’bu ha suhbah.

Katan si Piyapanjari subay mangyu’ panghurmat amu in gulal daying ha Nagpapanjari

  • Katan sin piyapanjari mangayu barhurmat, huhurmatan giyulal daying ha Aayan sarta’ iban heavenly greeting sin As-salaamu ‘alaykum! Amuna in salaggu’-laggu hurmat dihil pa Manusiya magulal biya’ sin noble iban Mulliya greeting, wayruun makatugila’ sin halga’ sin bissara As-salaamu ‘alaykum. In greeting dihil daying ha Aayan ha katan-kitaniyu.
  • Ha waktu bihayaun, In piyapanjari ha dunya landu’ in uhaw, in Nyawa nila landu’ in baya’ ha heavenly Divine mulliya. Bang in Manusiya way naka-naug/kiyapara pa Dunya, In greeting sin As-salaamu ‘alaykum di’ tuud siya mapanaug/hikapara pa dunya. In ini hurmat ha manga anak-apu’ sin Adam(as) In salingkat-lingkat, heavenly greeting sin Kasajahitraan piyara daying ha Aayan mari pa Dunya. Bang bukun Manusiya, in manga piyapanjari ha dunya di’ sila makarungug hurmat makakawa sin Rahmat (kasi) daying ha Kamulliyahan sin Salaam – in katan sin piyapanjari naglalawag/naglalagi sin bahagi’ sin Kasi daying ha Aayan.

Rahasiya’ ha Ulan sin April

  • Kiyahatihan natu’ katan in Tuhan sin Aayan himinang upat musim ha Dunya, hambuuk ha manga musim, spring kakilahan ha pangulan; Awun tuud sahalga’-halga’ ha pasalan ulan sin spring kumugdan ha March, April iban May. In pinaka precious sin bulan sin spring amuna in April, awun ilmu’ pangadjian iban sabab niya in bulan ini landu’ in halga’. Napi’ tuud siya ha awun tuud quality niya pasal sin Tiyammatan sin Nabi (saw), Pinaka-Kalasahan hambuuk in hurmat in katan piya-awun, Piyag-anak sin April!
  • In Panghati daying ha Aayan maka-abut pa manga sila mahahalga’, napi’ manga manusiya, in ini miyabut da isab kan Maulana daying kan Grand Shaykh (qs). In ilmu’ ha ulan sin april mahalga’ sabab sin ilmu’ nakatapuk iban nagdara pangalta nakatapuk amuna in manga manga panghati nakatapuk. Ha hangpu’ tagduwa bulan, April tuud in salingkatlingkat iban amun, pinakamahalga’ hirihil sin bulan ini, ha april, In nagpapanjari magpanaug ulan mulliya daying ha Aayan; in ulan yadtu dumatung pa dunya makarihil ba’gu kabuhi’. Bang di’ mulan sin April, In Lupah mapatay iban wayna tumubu’ manga halaman ha lupa’.
  • Matampal tuud pa Nagpapanjari, in manga holy manusiya, kamulliyahan sin Ulan sin april daying ha Holly Throne. Bang in hangkatu’ sin mulliya’ ulan tumu’ pa gabun sin dunya, in katan sin ulan yadtu makakawa’ barakah, kamulliyahan daying kaniya, pag-ubus in ulan magdihil ba’gu kabuhi ha katan –pindahun sila iban kawaun in sa bu’gat bu’gat diyara sin manga labi na in manga manusiya. Hisiyu sila makahati sin ilmuh nakatapuk duun ha ulan ini in siya timindug ha ulan, pasaran nila dumatung katan pa baran nila. Ha waktu in tu’ sin ulan ha april mahulug, misan pa in manga ista’ ha manga lawum sin dagat madtu pa babaw, umukab sin simud nila kumawa’ misan da kuman hangka tu’ sin mulliya ulan, In sila umukab sin simud nila tumagad ha babaw sin laud. Allahuakbar! In katan sin manga piyapanjari timatagad sin alun sin kasilasa sin Nagpapanjari.

In Kusug/ kawasa sin Salaam

  • Mag-anggil, ha waktu in hambuuk tau imiyan, As-salamu ‘alaykum, in salaam yadtu awun kasilasa dagdara bihayadtu, in katan sin Piyapanjari, katan sin ha dunya ini, nagpapandang/naglalawag mangayu’ magpaganap iban magpaganap kamulliyahan makaabut kanila sin hambuuk salaam; ukabun nila in ginhawa nila para tumayma’ sin mulliya daying ha ini, biya’ sin manga ista’ yadtu. Allahu akbar!
  • Sa’ in manga Manusiya way nila kiya ingatan iban way nila hiyati way nila hiyalgaan, di’ sila majugjug tumukbal sin salaam ini ha waktu sila magkita! In salaam amu na in sa taas taas tiyukba/dihil daying ha aayan sin Nagpapanjari ha manga sila nabubuhi da dunya ini, in ini tuput pa manga Manusiya. In kaybanan piya-aun wayruun kiyadihilan sin salaam ini, sa’ malaingkan nangangayu’ sila bahagi’ daying ha kamulliyahan piyaratung pa Earth, ha waktu in manga manusiya magtukbal sin salaam pakaniya pakaniya.
  • Katan sin piyapanjari ha katilingkal kawaun nila in bahagi nila kamulliyahan iban lidjiki’, in sila datungan da isab maukab sin kasilasa, ha waktu in manusiya magsiyalam-salami – amu yan in kalagguan/kusug sin Salaam! Ksabunnalan tuud ha waktu in Nabi (saw) siyuwara pa hambuuk patay, As-salamu ‘alayka, in tau yadtu timindug. Amu yan in kusug/kawasa sin salaam!

Hadees: Lapal kaw Salaam ba’gu Missara

  • Bayta’’ hi Maulana, “Ya kamu manga Manusiya! Daran kamu magtukbal pakaniya pakaniya, As-salaamu `alaykum wa rahmatullahi wa barakaatuh.” Ha waktu hi Maulana timukbal As-salaamu `alaykum ha manga himahagdir ha internet, in Tuhan sin Aayan tumukbal Kamulliyahan daying ha Aayan Kamullihan mabut kanila katan daying ha Pinaka kalasahan Ummat, in makarungug ha ini. Hangkan, diyaak niya, bang in tau dumatung pa pagtipun tipun, subay siya missara, Assalamu ‘alaykum muna-muna; mag-ukab sin lawang sin Rahma, lawang sin kasilasa, pa manga manusiya.
  • Katan sin pahambuuk-pahambuuk piyapanjari nangangayu’ sin kasilasa iban mulliya. Hangkan, in Sayyidina Muhammad (saw) nagsabda, “As-salaam qalb al-kalam”, “Lapal kaw salaam ba’gu kaw missara.” Salaam in paunahun mu tuud subay mu hinangun hitukbal, para in pagtipun tipun niyu ha lawum sin heavenly protection. Ayaw kaw Missara ba’gu ka dumihil salam. Pasalan bang kaw di’ mag-salaam, in pinaka banta sin manusiya’ lumamud kaniyu, Ha waktu kaw tumukbal, As-salamu ‘alaykum, in salaam yadtu di’ mabut pa manga Shaytan, Hangkan in siya mig. Hambuuk waktu in Iblees miyadtu pa Rasulullah (saw) limapal, “Assalamu ‘alaykum.” In tiyammatan Nabi (saw), simabda, “Yak aw banta sin Allah! Yak aw pinaka bubungsihan ha Divine Pressence! In Salam kami in tagdapu. Di’ kami sumambung kaymu, “Wa ‘alaykum as-salam.” Di’! In ini para kamu’!”
  • Hangkan in salaam landu’ in kusug/kawasa, hurmat bissara daying ha Aayan giyulal/tiyukbal pa manga naghuhula’ manusiya di ha dunya. Pa-saplaga in Salaam! Ha waktu kaw imiyan, As-salaamu `alaykum, makarihil kaymu huhurmatan daying ha Aayan, daying ha hurmat yadtu dumatung in kasilasa iban ulan ha manga manusiya, mag pa ba’gu sin kasabunnalan pagka-manusiya’ nila, mahinang sila sahugut-hugut nag-tatag ipun pa Tuhan.

 

Ayaw kaw Manghukum, ikaw in Hukumun

  • In Panghati amu in giyuwa’ natu’ ha taas, makrihil ha manga Slafi iban manga Ulama ka-astulan. Haunu in daleel, mangasubu sila (in ha kasabunnalan, in manga ini ilmu’ nakatapuk hirihil pa manga tiyu’-tiyu’ napi’). In yan daying ha Maudhu atawa Dhaeef Hadees?
  • Mataud manga ka-ulamaanmaluhay tuud sila manghukum imiyan in hadees bukun atawa bukun makusug. Hi Maulana nagpatumtum kanila imingat ha ini – in hambuuk subay di’ manghukum, pasal in Paghukum daing ha Tuhan Mahabassal! Daying sin manghukum sila, subay sila imingat magpatibaba’ tumayma’, bang sila di’ magkahagad sin amanat, subay sila misan da kuman patibaba’ para tayma-un nila yadtu, awun in sila manga makahati amun labi makaingat daying sin manga piyangadji-an nila ha kitab, way manglugusi kanila magad ha manga patumtum, atawa manaykuri daying ha ini, sa’ ha pang-hukum nila ha ini, kakahinang pagmataas iban pag-abbu – di’ sila maka-iyan in patumtum daying ha nagpapanjari.

Ayaw kaw mangayu’ hurmat daying ha Piyapanjari, Duun kaw pangayu’ ha Nagpapanjari

  • Mataud da isab manga sila Ulama magdihil ha baran nila makapataas kanila title biya’ na sin Doctor sin shariah, Shia Ulama’ tumawag sin baran nila Ayatollah iban Hujjatollah. Hi Maulana nagpatumtum kanila in manga ka-abbuhan iban wayruun kapusan kakahinang, in ini dimugtul tuud ha manga Shariatulah. In katan gulalan-dunya singud-singuran di’ makarihil hambuuk pinaka asibi respects, mahampit atawa hurmat, dayindi sampay pa adlaw mahuli. Ha Adlaw sin Pag-hisab, in manga hinang sin Manusiya iban dihil sin manusiya gulalan di’ hikapaglagi, misan habuuk way-makawa hurmat hika tamung ha Adlaw yadtu pasal sin awun gulal kaymu.
  • Ya kamu manga Ulama, ayaw kamu magad ha manga paningud-singud gulalan, amu in ha pikilan niyu makarihil kaniyu hurmat. In yan di’ tuud makarihil kaniyu hurmat ha Divine Presence. Biya’diin in hambuuk makatayma’ hurmat? Subay niyu ingatun ini, hinaga sulayi niyu iban panghinduan niyu ini – in sa-taas taas hurmat amun mahinag kaw mangangahagad magtataat ipun sin Allah hidihil mu in ginhawa mu ha paglugtuan Kaniya – yan in kasabunnalan hurmat.
  • Hangkan subay kaw simple iban patibaba-un, Daying sin magbutang kaw PhD hi-agad mu ha ngan mu, hisulat ha panagnaan sin ngan mu, “in patibaba’ ipun sin Tuhan.” Atawa, “amu in sa baba’ baba’ ipun nangangayu himihinang taymaun ha Divine Presence amun sila mahina’ sababa’baba’ ipun.” Makarihil Hurmat ha manga sumulat ha ini! Mayta’ niyu di tagnaan in himumungan niyu ha kabtangan biyaini, “Ya kamu manga dimurungug, dimurungug kamu ha sababa’ baba’ ipun sin Tuhan. Dungug! Marayi in tuhan sin Aayan dihilan kaw sabunnal halga’, ha amu in kumuyag masanyang kaw dayindi sampay pa adlaw mahuli.”
  • In Manusiya-dimihil gulalan dimihil paningud singud hurmat kaymu di ha dunya, labay ha manga manusiya. Ayaw kaw kumaw’ hurmat daying ha Piyapanjari. Pangayu’ kaw hurmat daying ha Divine Presence sin Nagpapanjari. Manga Manusiya amun sila limawag hurmat daying ha manga piyapanjari, makakangi sin spirituality nila ha labay paningud-singud gulalan way guna!

Ya Kaw Ulama’, Tgapanghati ha Agama – Unu in maksud mu?

  • Hi Maulana dimihil hilala-ungan ha manga Tgapanghati, “Yak aw Ulama’, simulate/limukis kaw, missara iban nanghindu landu’ mataud, buat malayingkan way kaw nakapanghindu’ sin pinaka-maksud (amun hindu’ ha taas). Naluppas! Liyawa’ mu in chance mu para hika-abut mu huhurmatan daying ha nagpapanjari, pasalan wayruun mu hihinang/piyapakay in halan ini ha baran mu, atawa hi-tukbal ha manga manusiya iban hipanghindu’ kanila!
  • Daying sin, himihinang kaw para mahinang kaw dakula’ Ulama’! Ayaw, ayaw hinanga yan! Wayruun halga’ pa Allah. In Allah Mahabassal asubuhun kaw, “In kabayaan mu amun kakilahan kaw tumampal pa katan Ulama, mahi kaw way nangayu’ mahinang ipun, ha Divine Presence Ku?” In Allah hipangasubu niya ini ha katan amu in timatayma’ in sila Dakula’ Ulama’!
  • Ya kaw Manusiya! Kari kaw tayma-a in kasabunnalan, amu in makapasanyang kaymu. Tukbalan kaw heavenly grant dayindi sampay pa Adlaw-mahuli.”

Fatihah

Pamaygu’ kaw di, iban inum kaw sin mulliya tu’ sin ulan ha april…

 

 

In 42 minit suhbah ha anggalis kakitaan ha www.Saltanat.org, dupuni ini para kakitaan mu biyaun. SaltanatTV amuna in Official Site hi Maulana Shaykh Nazim amu in iya-prubahan sin baran niya.

Naglalawag kami makasalin-bahasa sin Suhbah anggalis pa katan sin Bahasa ha makajari. In kami mayad ha manga maka-salin bahasa, ha in waktu haupu iban mataud pa tuud kagunahan namu’ ha hikapasampay ha manusiya ha dunya ha pagpakila. Bayta kamu bang kamu maka-tabang, iban pila sen in charges niyu. Innkami himihinang hikataud sin pang-gastu ha ini, hangkan andu’ tabang kaw kamu’.

 


About Khalid (Bahasa Sug/Tagalog)

A Lowest Servant
This entry was posted in Suhba. Bookmark the permalink.