Ngan kaw hambuuk di ha dunya amu in ikaw in tagdapu

This post is also available in: Anggalis

Kahaupuan sin Suhbah adlaw-adlaw hi Maulana Shaykh Nazim

4th April 2010, Ahad

Ngan kaw hambuuk di ha dunya amu in ikaw in tagdapu

A’uzubillah himinash shaitan nirrajeem

Bismillah-hir Rahman-nir Raheem

Assalamu’alaikum wrh wbkt

  • Hi Maulana namayta’ in katan kitaniyu manga Ipun Niya – in kaibanan daing ha katu’ nagtataat, kaibanan, way pagtaat nila. In sila Waypagtaat sila in manga nag-ig sin hurmat kanila.
  • Waktu ini, in manga Manusiya way nila na tiyayma’ in katan sin jumatu ha kabuhi’ nila daying ha Nagpapanjari tiyukbal kanila. Wayruun, dima-awa siya, “In awun kaku’ bihayaun pasal sin tuyu’ ku!” In manusiya way nangahagad in katan sin yaun kaniya, daing ha Allah. “Kaku’ ini aku in tagdapu,” pangahagad niya.
  • Nangasubu hi Maulana, Bang in yan ikaw in tagdapu biyaun, bunnal tuud kaymu, mahi hikabin mu katan ha waktu kaw mapatay? Mayta’ di’ mu dahun madtu pa dunya dugaing? Mayta’ mu hibin in Private plane mu, manga mahahalga’ yatch, manga pamaybay biya’ astana, manga sports car, manga pag-uasaha mu, manga asawamu anak mu, maga jewelry, manga sen ha bangku, manga mahahalga’ panyap? Mayta’ hikabin mu ra?
  • Ngan kaw hambuuk pangalta’ amun mara mu! Di’ misan kaw makangan misan hambuuk, amu nayan imiyan kaw in katan duun kaymu ha dunya ikaw in tagdapu? In manusiya nahinang na magpuputing, Bayta’ hi Maulana, Timayma’ kau sin sasat sin Shaytan. In Shaytan Uhan-Putingan, maghindu ha Manusiya mag bissara puting. In katan di’ tumayma’ sin kasabunnalan , tantu putingan.
  • Nangasubu na isab hi Maulana, Hisiyu in tagdapu kaymu? Ikaw baran mu? Bang bihadtu, mayta’ mu di’ dahun in baran mu pa dunya dugaing? Mayta’ mu hibin da in mayat mu, di ha dunya ini? Ka waktu liguun nila na kaw putusun na ampa kaw hikubul, hi ig nila katan in duun ha baran mu amun pangalta’ dunya, daying ha bang iban sing sing mu! Misan pa in kahantang mu Sultan di ha dunya, awun manga ipun mu daraakun tawagun mu hihinang in bihadtu bihaini, bang kaw timindug na ha daig sin mayat mu, wayruun na makarungug kaymu ha manga ka-altaan mu, misan pa in ikaw kadungugan nila, way na magkahagad kaymu, in jasad mu igan na katan sin pangalta’ mu ha dunya, ha sung pa kaw hikubul, ha lugay sin kabuhi mu, nabuhi kaw nangaku, “In ini kaku!”
  • Imasubu hi Maulana, mayta’ in tau patay di’ na siya makaiyan misan igun nila in manga pangalta ha baran niya, di’ siya makaiyan “ayaw hundung kamu! Ayaw niyu kawaa katan! aku in tagdapu yan!.
  • In manusiya’ nakainum, liyalamud niya sadja lilista katan, itungun niya katan yadtu kaniya, Sumagawa’ hi Maulana namayta’, In kitaniyu kulang in pangahati, ha Mathematics sin Nagpapanjari, katan sin yari katu’ di ha Dunya, subay ta itungun sadja pa way,. Ha kahinapusan, in Manusiya way na unu unu hikubul, kiyapin ha jasad niya, wayruun mara niya, in katan Tuhan in Tagdapu, Sa’ in Shaytan, Uhan sin Mangdurupang, pagbalik balikan niya humagas hagas pa taynga mu, “Katan ini (katan sin ini manga nagka usaha mu ha manga paghinang mu) ikaw in tagdapu! Taw-an yan marayaw ha pagtataw-an, ayari amun way lima makakwa’ hayan, in yan Kaymu, Kaymu, Kaymu!”
  • In kita niyu katan ini ipun Niya, subay tuud kita niyu di’ imiyan in kita niyu ini mas labi makaingat daying kanila yaun. In manga Tagapanghati in atud nila ha baran nila mas nakalabi daying ha kaybanan. In manga Ulama subay nila hatihun in sila lamud da isab ha Bani Adam, Na awun sila daying ha lupa’, biya’ da isab sin kaybanan, hangkan subay nila hi ig in sila Bidda’-ha-kaybanan pangaddatan.
  • Magpanaw sila iban sin Kitab gigipit nila duun ha iluk nila (Mataud ha manga ulama himihinang ha ini) bukun siya pangilahan tau makahati. In kasabunnalan sin panghati makapa lingkat ha Nyawa, bukun yaun ha kitab. Atawa ha dila’ – didtu mu kabakan ha pangatayan.
  • Hi Maulana dimihil suysuy hipagsapantun ha ini. Awun Hambuuk Sultan, amun masub siya mag agad ha manga tau makahati manga tau marayaw. Ha waktu niya kadungugan in bihadtu, taabbitun niya mag-mudzakarah (magsuysuy). Malaingkan, bang dimatung na in nataabit niya magbalharap iban Sultan, Dahun in Kitab, In Sultan imiyan, “Ayaw, di’ aku mabaya’ dumungug sin yan ha lawum kitab – kiyainagatan natu’, mabassa natu’ mabaya’ tuud aku humati! In Kitab liyukis sin manusiya, in yan daying ha dunya, di’ aku mag lagi sin yan, mabaya’ aku humati bang unu in yan ha pangatayan mu piyaratung sin Tuhan maun kaymu, amu in kiyahatihan sin Nyawa mu bang unu in subay mu pagtuyuan, hangkan binan in kitab ha pag suysuy ta.” Amu yan in Subay tuud tumtumun, in katan makabassa makahati sin ha lawum Kitab, malaingkan unu in kabayaan sin naglalawag ha sabunnal Guru, amuna in tiyukbal daying ha Nagpapanjari, amu in biyutang pa pangatayan niya duun tiyawu!
  • Subay kitaniyu daran maglawag sin manga panghati bihadtu, subay kita niyu di’ humundung mangayu pa Allah para ganapan in manga kiyahatihan natu’ na, amun tumabuk duun ha laud sin panghati, in kita subay ta ukabun in pangatayan ta maluag ( subay kau bukun negative, di’ mag-ingat-ingat, magsaula-ula maingat daying ha kaybanan, way pangahagad, matugas in pangatayan), ha maluag, katan likusan panghati di’ tumuput duun ha piya-asbi’ pangatayan. In Laud ini wayruun higad niya – Landu’ tuud maluag way tubtuban iban malaum! In Panghati landu’ pangalta’ di’-masukud in luag, mayta’ kita umasubu ha manga maluhay pangasubu? Sumagawa, Subay kitaniyu mangasubu amun way pa nalilay daying katagna’, subay kita mangayu hipa ukab in wayruun pa na ukab daying katagna!
  • In kaybanan Ulama di’ magkahagad ha Spirituality. In kaybanan di’ mabaya’ tumayma’ sin awun mas-labi makahati daying kanila. In kaibana mabaya’ na sadja manghindu’, di’ na mabaya’ hinduan. Bukun maluhay mahinang Guru – Subay kaw kumawa’ bang unu in hindu’ sin Nabi (saw), iban subay mu hiparatung mawun pa (Ummat). Subay kaw lumawag ha amu in mabuntul panayma’ duun ha pangatayan mu ha manga katan sin kahalan. Ampa kaw makajari manghindu’.
  • In kamatauran Ulama nakapandang maamu ha pagka ulama’ nila tuud, iban sin pamakay nila ulama iban pa samin mata, Sa’ ha bayta’ hi Maulana in ini bukun kagunahan, in kagunahan in panghindu’ amun harap pa Ummat, amun hika bati sin manga natutug manusiya kamatauran, unu in pardaakan kanila, in sungun nila iban unu na mayan in banta nila dayindi. Hikarihil ini sin manga Ulama ha manga mureed nila, panghindu’ amun makapa ig sin manga malaggu’ tampan amun malaggu tampan ha manga mureed nila – tampan sin kasusuwakan sin napsu, kababayaan, dusa, iban na sin kalummian? Awun manga dan nila amun in manga mureed nila mag anad mahinang hambuuk magtataat? Bukun tuud maluhay mahinang Guru.
  • In Nabi (saw) nag bin katu’ Pangagaran, Nasabbut duun ha Qur’an Mahamulliya:

يَـٰٓأَيُّہَا ٱلَّذِينَ ءَامَنُواْ ٱتَّقُواْ ٱللَّهَ وَكُونُواْ مَعَ ٱلصَّـٰدِقِينَ

Ya kamu manga Nanganaghagad! Pag mabuga’ kamu pa Allah iban duun kamu ha manga Bunnal (ha bissara iban ha kakahinang). (Surah At-Taubah 9:119)

  • In ini Daying ha Nagpapanjari katu’ Pardaakan niya in subay kita niyu duun ha manga tau bunnal, manga sadiqeen. Sila in manga magpakatayma’ sin manga Ilmu’ daying ha Nagpapanjari. Amu ini in panghindu’ subay natu hipamahalayak ha manga bar-iman, ha supaya lumawag sila sin manga Sadiqeen, duun sila mangadji’. In sila manga Sadiqeen amuna sila in awun parsugpatan ilmu’ magdatung daying ha nagpapanjari sila in pangagaran Guru. In manga Ulama kimawa’ sila tanggung-jawab mabu’gat duun ha agaba nila in sila kanakuraan (misan in kahalan nila di’-mapatut, ha amu in sila bukun Divinely-appointed guides), In sila yaun ha lawum makabuga’ makakangi’ paratungun Kusug astul daying ha Aayan . In ginhawa nila mismu subay sila lumawag maglagi sila sadiqeen, amu in pardaakan Parman sin Tuhan Ayat yaun ha taas bukun sadja ha manga kakasi kabagayan sin Nabi (saw), in ini para ha katilingkal Ummat sin Muhammad (saw). Kitaa in manga sahabat – in sila nanagdji duun ha pinaka marayaw Sadiqeen – Rasulullah (saw) – piyatindug nila in Islam, timitindug sambil pa biyaun yaun tuud, makusug iban salingkat lingkat, ha waktu ini.
  • In katan lawagun mu ha dunya, amun maka agad kaw ha manga Sadiqeen. Nangasubu hi Maulana Hisiyu Sadiqeen kau miyamagad? Katan sin ha Dunya liyawag mu, hibin mu ra katan dumatung yan!

Fatihah.

 


About Khalid (Bahasa Sug/Tagalog)

A Lowest Servant
This entry was posted in Suhba. Bookmark the permalink.