Panghurmat sin Islam ha manga Kababaihan

This post is also available in: Anggalis, Purtugis (Brazil)

Kahaupuan Patumtum maniyu’tiyu’ hi Maulana Shaykh Nazim

30th October 2010

Panghurmat sin Islam ha manga Kababaihan

A’uzubillah himinash shaitan nirrajeem

Bismillah-hir Rahman-nir Raheem

Assalamu’alaikum wrh wbk

(Kababaihan sin jaman ba’gu, ha paglawag sin lingkat, magpagunting sin buhuk ha kabayaan nila style malingkat ba’gu ha pag guguntingan buhuk., magbayad malaggu sin makapalingkat sin buhuk nila. Mataud waktu mausal nila iban sangsa’ ha pagpalingkat sin buhuk nila, di’ nila na pag usalun in tirung nila ha lawum tau-an, hipakita’ nila in ‘lingkat’ nila. Ha Suhba ini hi Maulana piyasampay niya in sakit ini ha manga kababihan ha hula’ niya)

  • In hukuman sin pag utud buhuk, madtu pa salon di’ na umusal tirung, in ini hinang dusa, hi Maulana nagpatumtum in Allah paratungan sila sakit (sapantun sakit u, migraine, stroke kaybanan pa) ha manga u sin kababaihan amu in mabaya’ sila hinangun yadtu, misan pa in kahantang nakarungug na sila patumtum. “Ini (Gumuwa’ daying ha sara’ sin agama) bukun pamandu’ ku,” Maulana, “in ini Panghindu’ daying ha Nagpapanjari.”

وَقُل لِّلۡمُؤۡمِنَـٰتِ يَغۡضُضۡنَ مِنۡ أَبۡصَـٰرِهِنَّ وَيَحۡفَظۡنَ فُرُوجَهُنَّ وَلَا يُبۡدِينَ زِينَتَهُنَّ إِلَّا مَا ظَهَرَ مِنۡهَا‌ۖ وَلۡيَضۡرِبۡنَ بِخُمُرِهِنَّ عَلَىٰ جُيُوبِہِنَّ‌ۖ وَلَا يُبۡدِينَ زِينَتَهُنَّ إِلَّا لِبُعُولَتِهِنَّ أَوۡ ءَابَآٮِٕهِنَّ أَوۡ ءَابَآءِ بُعُولَتِهِنَّ أَوۡ أَبۡنَآٮِٕهِنَّ أَوۡ أَبۡنَآءِ بُعُولَتِهِنَّ أَوۡ إِخۡوَٲنِهِنَّ أَوۡ بَنِىٓ إِخۡوَٲنِهِنَّ أَوۡ بَنِىٓ أَخَوَٲتِهِنَّ أَوۡ نِسَآٮِٕهِنَّ أَوۡ مَا مَلَكَتۡ أَيۡمَـٰنُهُنَّ أَوِ ٱلتَّـٰبِعِينَ غَيۡرِ أُوْلِى ٱلۡإِرۡبَةِ مِنَ ٱلرِّجَالِ أَوِ ٱلطِّفۡلِ ٱلَّذِينَ لَمۡ يَظۡهَرُواْ عَلَىٰ عَوۡرَٲتِ ٱلنِّسَآءِ‌ۖ وَلَا يَضۡرِبۡنَ بِأَرۡجُلِهِنَّ لِيُعۡلَمَ مَا يُخۡفِينَ مِن زِينَتِهِنَّ‌ۚ وَتُوبُوٓاْ إِلَى ٱللَّهِ جَمِيعًا أَيُّهَ ٱلۡمُؤۡمِنُونَ لَعَلَّكُمۡ تُفۡلِحُونَ

Iban Hipabayta’ pa manga nangangahagad kababaihan hipababa’ in pangatud nila (ha umatud ha manga liyangan kapanyapan), iban paayaran in manga aurat nila (amun hipakita’ , iban sin manga piyanglanagan kakahinang) iban ayaw hipakita in manga lingkat nila, malayingkan amu sadja in (makajari) hipaguwa’ iban hibaba’ in tirung nila sampay pa daghal nila iban ayaw hipakita in lingkat nila malayingkan ha manga bana nila, ama’ nila, ha ugangan nila usug, ha anak nila usug, ha anak usug sin bana nila, ha taymanghud nila usug iban sin manga anak usug sin taymanghud nila usug, iban ha manga anak usug sin taymanghud nila babae, atawa ha manga kababaihan (muslim), manga kababaihan nila amu in ha pagmahi nila (amun manga ipun nila babae), atawa manga ipun nila manga malaas usug wayna baya’ ha kagunahan sin baran, atawa ha manga bata’ bata’ (usug) amun waypa panghati hikaluman sin manga kahalan (aurat), iban ayaw nila hi giik in siki nila ha amu in kakitaan in nakatatapuk lingkat nila, Ya Kamu manga Nangangahagad! Pagsama-sama kamu Magbalik kamu pa Allah Hasupaya kamu Mamulliya. (Quran  24:31)

  • Bayta’ hi Maulana in manga kababihan nakauna malilingkat tuud sila, Mag-usal sila Tirung malingkat in katahi’. Ha bay, ha waktu igun nila na in tirung, maraw in kasudlay nila sin buhuk nila, masawa, malanu’ buhuk, piyupugus nila duwang ka bahagi. (in bisaya’ babai mag-pugus sila hambuuk, hangkan in muslim babai mamugus sila duwang ka pugus, para madugaing sila daying ha manga bisaya.) Bang sila mabaya’, Bayta’ hi Maulana, makajari nila butasun in buhuk nila daying ha gi’tung, ubus pugusun karuwansipak. Piyagsapantun hi Maulana ha kita’ niya in apu’ niya babai ha pangummulan 80 tahun (Amun bata’bata’ pa siya ummul 5 tahun), pagpugusun niya in buhuk niya (misan tiyu’ tiyu’ da kuman in nakapin ha pangummulan niya) Hipu’ tuud sin sahaya in siya amun di’ kita sumuhun umatud kaniya! Ha masa ini, in manga kababaihan way na sahaya bihayadtu, Ha di’ nila pag agad sin Pardaakan sin Nagpapanjari ha kahalan sin manga piyanglangan kanila. In manga nakalaas babai nagpapahaba’ sila sin buhuk nila, In kaybanan miyamabut pa tikud tikud nila! Siyusudlay nila in buhuk nila marayaw sin sarayaw rayaw sudlay. In manga sila kababaihan dih mag gunting buhuk, kitaun sila makasay iban makusug iban malayu sila’ malingkat aturun daying ha manga sila himihinang yadtu, amun manga daran nasasakit , biya’ dagbus usug ha haupu’ in buhuk nila.
  • Hi pa hundung hi Maulana Nagpatumtum ha manga bana para jumaga ha kahalan ini, iban hipalang kanila in asawa nila in manga liyangan hinang ini (paggunting sin buhuk, magkadtu pa salons, magpakita sin lingkat nila ha guwa’) ha manga kahawahan maglingkud sila daran duun ha wayruun gawi. In sarayaw rayaw, asawa subay sila ha bay, amun asawa ha bay niya in hinang niya.
  • Ha manga sila kababaihan ha bay nila in hinang nila, hi Maulana nagbayta ha ini pasal nila, “ka ridaan sila sin Allah. Nabi (saw) kuyagan kanila. In manga awliya jimajaga kanila. Wayruun kalingugan panaugun kanila daying ha Aayan, kiyataminangn sila daying ha manga kalingugan yadtu.”Hi Maulana namayta’ sin sa’bu niya didtu ha London, kita’ niya in manga models nagpakita’ sin manga ginisan sin buhuk kahantang ha manga matataas-kauman sin kababihan pag pi-an nila! “In manga babai ini narupang na?” pangasubu hi Maulana, in ini pang langgali tuud ha Ayat ha baba’ ini:

يَـٰنِسَآءَ ٱلنَّبِىِّ لَسۡتُنَّ ڪَأَحَدٍ۬ مِّنَ ٱلنِّسَآءِۚ إِنِ ٱتَّقَيۡتُنَّ فَلَا تَخۡضَعۡنَ بِٱلۡقَوۡلِ فَيَطۡمَعَ ٱلَّذِى فِى قَلۡبِهِۦ مَرَضٌ۬ وَقُلۡنَ قَوۡلاً۬ مَّعۡرُوفً۬ا. وَقَرۡنَ فِى بُيُوتِكُنَّ وَلَا تَبَرَّجۡنَ تَبَرُّجَ ٱلۡجَـٰهِلِيَّةِ ٱلۡأُولَىٰۖ وَأَقِمۡنَ ٱلصَّلَوٰةَ وَءَاتِينَ ٱلزَّڪَوٰةَ وَأَطِعۡنَ ٱللَّهَ وَرَسُولَهُۚ ۥۤ إِنَّمَا يُرِيدُ ٱللَّهُ لِيُذۡهِبَ عَنڪُمُ ٱلرِّجۡسَ أَهۡلَ ٱلۡبَيۡتِ وَيُطَهِّرَكُمۡ تَطۡهِيرً۬

Ya kamu manga asawa sin Nabi! In kamu nakadugaing daying ha manga (kaibanan) kababaihan: Bang kamu mag mabuga’ (Allah), ayaw kamu magpalingkat’ sin suwara niyu, Ha manga sila malummi’ in pangatayan makahinang sila bukun marayaw, hangkan subay kamu missara sin kabuntulan. (32) Duun kamu ha pamaybay niyu hali, Ayaw kamu himinang magpakita’ sin kaiibugan, biya’ sin waktu sin kajahilan; tindugan niyu Pagsambahayang sakahaba’ waktu, daran kamu Pagsarakka, Pagtaat kamu pa Allah iban ha Nabi. In kabayaan sin Allah makalayu’ kamu daing ha manga di’ niyu kabayaan, Kamu mang lamud ha ahli, hinangun kamu salanu’ lanu’ wayruun tamak tamak. (Surah Al-Ahzab 33:32-33)

  • Nakabalik na isab kitaniyu pa hikaruwa waktu kajahilan biyaun. In kaybanan kababaihan nalaung nangahagad in buhuk mahaba makara kanila pa way kapaiddahan, hangkan uturan nila, kalu makara makaganap panghati! In Kababihan waktu ini nagpapakita’ sila way kasipug ha manga di’ nila kakilahan.
  • In sila miyaya’ da isab iyulinan sin usug mang-aariari sin buhuk nila ulinan ha wayna imamu.
  • Hi Maulana nangasubu way pangahagad, “Awn mahampit niyu kasanyangan ha paghinang niyu ini?” In katan ini makrihil sakit kahinaan kanila. Unu in kahantang sin dayahan, atawa mas labi pa tuud dayahan, pangasubu hi Maulana, bang kaw ha lawum sakit na sadja (pasal sin tutungbasan sin Tuhan ha pag agad mu pa kasukkal dan sin kabuhi)?
  • Hi Maulana namayta’, in manga kamatauran manusiya ha lawm sakit na sadja – bihayaun migraine, sumunud adlaw sakit sin taikud, adlaw sumunud sakit sin luluatan. Biya’diin kakinam mu sin lanab sin kabuh mui, bang in ikaw piyararatungan na sadja sin kasiksaan daying ha Tuhan? Mayta’ kaw mabaya’ sin bihadtu sin, bang in kabuhi mu manjari Mulliya, Ha pag taat ha sara’ daying ha Aayan. Hi Maulana nanginduwaa kaampunan, nagduwaa pa Allah paratungan in Hula’ hambuuk Sultan amu in mangdahi katu’ pa dan Kasabunnalan (Haq)
  • Hi Maulana namayta’ in kitaniyu maglagi Sultan, di’ natu’ mahinang bang wayruun hambuuk, ha hambuuk Hula’ way Sultan, Biya’ sin Astana wayruun Sultan. Wayruun basta basta makajari sumud amu in lumapat sin Kulang ini. Sakusug kusug misan in manga kahayupan nakaingat da sin landu’ tuud kagunahan in Sultan, in manga sila manusiya nalawa’ na kanila kiyalupahan na halan ini.

Sahawi

  • Ha Hadees sin, Rasulullah (saw) nagsabda, “Makakangi’ ha babai in sila mag utud sin buhuk nila, misan pa in kahantang niya ha kabayaan pa sin bana nila.” Biyayta’ in pagkababai iban lingkat niya duun ha buhuk niya, biya’ da sinusg in pagkausug niya duun ha pungut niya. In usug way pungut biya’ da sila babai – sibu’ da bukun malingkat iban bukun kariasali niya. Ha bayta’ sin Hadees,in Allah magparatung kasiksaan ha usug dimagbus kababaihan, iban in babai nagsapantun’ usug. Ha waktu ini, mataud na tuud usug way pungut dimagbus biya’ babai, sarta’ in kababaihan amu in hinang haupu in buhuk niya biya’ na tuud usug. (Bassaha in nakalabay Suhbah ha kasabunnalan lingkat sin Kausugan iban kababaihan). In lingkat sin manga Babai bukun duun ha hipakita’ nila in ginhawa nila, magbadju way imamu atawa humibal way paghalga’, Makainu inu in manga media iban propaganda himinang ha ini, in amu in kakitaan lingkat makahaylan, amu in gimuguwa’ in hansipak baran.
  • Karupangan, iban kalummuan. Waktu ini, bang in babai mamakay marayaw maamu atawa umusal tirung, laung nila biyaini, na “brainwashed” na siya miyagad ha “baliktad” dan sin kabuhi. hangkan, kiyakitaan ta in manga manga babai Muslim hikaluman kakitaan in pagtirung, in ha taykud sin yadtu amu in maggastu sila mahalga para ha pag utud sin buhuk nila, dyeing, rebonding, perming iban kaybanan ha buhuk nila!
  • In Nabi (saw) namayta’ hangpu’taglima ngagatus tahun na in limabay, In manga Ummat ku mangagari na ha manga wayruun namamaratsaya, misan pa matuud harap pa lungag sih has,”
  • Hatiniya in waktu susungun-adlaw in Muslim di’ na mangahagari sin paghati sin agama nila, maningud singud na sila ha manga tau way nangangahagari, misan pa in ka awnan niya in sila utungun pa baba’ di’ kaunun sin akkal iban way kabunnalan misan pa hikakangi’ kanila.Waktu ini, kita natu’ in manga ‘Muslims’ iban na sap sin baran, bang ha ilung iban simud; Kakitaan ta sila manglaggu’ ha manga Christmas iban Halloween;
  • Kakitaan ta sila simingud ha manga hip-hop artist; kakitaan ta sila didtu ha manga pub tampat paghihinangan mangi’; kakitaan ta sila magbalik sin manga kalangan lasa iban bais; kakitaan ta sila manamung tamung biya’ manga sin manga satru’, iban kakitaan natu’ sila himibal biya’ manga satru. Ngan da kuman in nakapin ha Islam – wayna paghalga’ sin kabuhi’ waktu ini. Hi Maulana namayta’ ha panagnaan Suhbah, “Natutug na in Islam ha waktu ini, ha waktu makabati kakitaan na sin dunya in Kusug makainu inu sin Islam.”
  • Makainu inu, in manga pagtawagun ‘Muslim’ simusumba ha dan sin kabuhi sin manga satru’, way nagpikil misan sin hangkasasaat, ha amu in nag niyat siya simingud ha katan dan sin kabuhi’ sin manga satru’, In manga satru’ wayruun baya’ nila simingud sin dan sin kabuhi’ sin manga Islam. Wayruun ha manga satru’ in nag usual sila tirung, atawa manglaggu’ ha haylaya, atawa mag tumtum sin manga kakahinang natu’ iban sin manga Zikir, atawa mangagad ha manga pagtipun tipun natu’ – piyapasaran nila in dan sin kabuhi’ natu’, in kita nabubuta’ mamandang ha yadtu, simingud , sin dan kabuhi’ sin Shaitan! Unu na in kimugdan kaymu, ya kamu nagtataat? Na paligut na kitaniyu sin pangahagari in dan kabuhi sin Islam harap pa taykuran iban daan na.Biyadiin in Sunnat sin kalasahan natu’ Nabi (saw), in kabuhi’ amu in Mahamulliya daying ha Tuhan harap pa taykuran? Biyadiin na in kabuhi diya sin shaitan, amu in liya’nat sin Allah in kimugdan kaniya, mahinang makapasambu, ba’gu, tiyayma’ iban pangagaran dan sin kabuhi? Makahilu, sa’ amuna ini in hinapusan sin huling jaman.
  • Ya kamu bar-Iman, ig na kamu daying ha kabuhianan sin manga satru! In Nabi (saw) nagsabda, “Hisiyu sila in simingud (ha tumpukan), in sila yan lamud kanila.” In manga Bar-iman lumawak malayu’ amu in masilang sila daying ha manga satru. Ha waktu in Rasulullah (saw) in manga yahudi magpuasa sila ha hangpu 10 kasubangan sin Muharram, adlaw sin Ashura, para lagguun in pangdaug sin Sayyidina Musa (as) daying ha Fir’aun, In Rasulullah (saw) nagsabda, “Mas labi kita niyu daying ha Musa (as) daying ha manga Yahudi.” Diyaak niya in manga Muslim magpuasa ha adlaw yadtu ra isab, para di’ makapagsibu in puasa daying ha manga sila Yahudi, In Nabi (saw) nagdaak ha manga bar-iman magpuasa ha labi gumanap adlaw, ha siyam 9 kasubangan sin Muharram, atawa hangpu’tag-isang 11 kasubangan sin Muharram, hangkan kitaniyu magpuasa duwa’i adlaw, hi sabanding ha puasa sin Yahudi hangka adlaw, Umanggil, ha bissara hi Maulana, in sila manga Christian babai kakilahan ha pagpugus sin buhuk nila hambuuk pugusan, Muslim babai subay pugusun nila duwang ka pugus. Di’ kita niyu subay magad ha manga satru’! Mayta’? Bassaha ini:

يَـٰٓأَيُّهَا ٱلَّذِينَ ءَامَنُوٓاْ إِنَّمَا ٱلۡمُشۡرِكُونَ نَجَسٌ۬

Ya kamu manga bar-iman! Sabunnal in manga satru’ malummi’. (Surah At-Taubah 9:28)

  • In tiranan nila malummi! Biya’diin in malummi makapngdahi pa Malanu, Sulga’? Ha waktu hi Sayyidina Adam Limummi’ daying ha dusa, piyaguwa’ siya daying ha lawum Sulga’ Hangkan magad kita ha malanu’, dan Mulliya, Dan sin manga kiyapanduan (Nabi iban manga Awliya’) makaabut pa Kasanyangan salama lama! Sa’ bang kaw mi’ dugaing, In Allah di’ siya mag guna sin pagsumba mu iban iban pag taat mu.

لَقَدۡ كَانَ لَكُمۡ فِيہِمۡ أُسۡوَةٌ حَسَنَةٌ۬ لِّمَن كَانَ يَرۡجُواْ ٱللَّهَ وَٱلۡيَوۡمَ ٱلۡأَخِرَ‌ۚ وَمَن يَتَوَلَّ فَإِنَّ ٱللَّهَ هُوَ ٱلۡغَنِىُّ ٱلۡحَمِيدُ

Kasbunnalan awun hambuuk tau marayaw(Kanabihan) suntuan subay niyu pangagaran – Ha in manga sila nangangandul ha Allah iban ha adlaw kiyamat. Ha manga sila manaykuri, Sabunnal hi Allah dih mag lagi, sin katan Sasanglitan. (Surah Al-Mumtahinah 60:6)

  • Hi Maulana nagdaak ha manga kababaihan dimidtu mag ipat ha bay nila, daying ha Hadees ha in Rasulullah (saw) nagsabda pa Sayyidina ali (rakw) iban hi Sayyidatina Fatimahul Zahra (ra) ha pagkawin nila, “Ali, in lugal mu ha guwa’ (sin bay), iban ikaw Fatimah, in lugal mu ha lawm,” Nagpatampal in sara’ sin magtiyaun, in siya usug manglawag kabuhianan, ha in kabbaihan himinang sin manga kakhinang ha lawum sin pamybay niya, jumaga ha bay iban ha manga anak niya. Kitaa in Kamulliyahan daying ha Allah, Rasul (saw) iban sin manga Awliya’ jimajaga ha manga kababaihan ha manga babai ha bay niya suhbah hi maulana ha taas!
  • In Islam nanghuhurmat ha manga kababihan, di’ sila baba-un, in sila sapantun kassa amu in attribute sin Allah lingkat (Jamal), in manga kausugan ha attribute sin Allah Kusug kawasa (Jalal). In Islam nanghuhurmat tuud ha kababaihan, Misan pa in Sanam amu in tiyawag nila Valley-hipu’ sin sananm para ma salamat Surah An-Naml amuna in babai sanam! In babai malunuk, iban malasa, in Ulin sin inah ha anak amu in himinang kaniya bar-iman -wayruun pag iipatan bata’ bata’ atawa ipatan maka ganti’ ha pag palaggu’ ha anak amuna in lima sin ina’. Makasusa in manga kababaihan biyaun binin nila na in manga pardaakan sin Tuhan subay agarun sara’, ha amu sadja sabab hi paglawag napaka. In manga tau sadlupan nanawag tawag in babai iban usug sibu’ amu in makahina’ ha manga kababaihan, palayuun sila daying ha manga panghurmat sara’ duun kanila, amun mahinang ipun ha manga kaguwa’ guwaan, Pagsibu? Asubuha in usug bang siya maburus iban magpa duru’ ha anak nila! Hinang sin allah in Usug iban babi malau’ in piyagbiddaan. – In ini para sadja ha manga kakhinang sin shaitan amu in manglaungi di’ mangahagari ha awn piyagbiddan laung sin makahati ‘sibu’ in babai iban usug.’
    • Ha Surah Al-Ahzab (Surah Al-Ahzab 33:33) in Allah nagparman ha manga kababihan, “Duun kamu hali tutug ha pamaybay niyu.” In Rasulullah (saw) nagsabda, “In manga kababaihan lawang sin Fitna’.”Ha pag tawu sin pinaka mahalga pangalta (kababaihan) ha lugal tampat salanu’ lanu’, in Islam mabaya’ mag tawu sin darajat sin hambuuk ahli iban panghurmat ha manga kababihan, para makalayu’ daying ha manga jina iban kangian. Bang ta hatihun hisiyu sila unu in hinang nila (ha guwa’, ha baran, ha pikilan, spiritually), pinakamalingkat sila.

    لَا ٱلشَّمۡسُ يَنۢبَغِى لَهَآ أَن تُدۡرِكَ ٱلۡقَمَرَ وَلَا ٱلَّيۡلُ سَابِقُ ٱلنَّہَارِ‌ۚ وَكُلٌّ۬ فِى فَلَكٍ۬ يَسۡبَحُونَ

    Wayruun diyulan in Suga maka abut ha Bulan, biyadtu ra isab in Dum dih maka abut ha Adlaw: In sila limalanguy ha (pakaniya pakaniya) libut (ha lawum sin Sara). (Surah Ya-Sin 36:40)

    • In Suga iban Bulan awun pakaniya pakaniya libut nila, awun pakaniya pakaniya jukup kariasali biyutangan sara’kanila, in sila miyamagad ha manga biyutang kanila pardaakan kanila sin Nagpapanjari. Umanggil, ha usug iban babai, hinang sila si Nagpapanjari ha kaniya pa kaniya kariasli nila dugaing ha mang pardaakan kanila.. Biya’ da isab sin Suga di’ niya mahinang in mahinang sin Bulan, biyadtu ra isab in Bulan (Landu’ makabuga in solar system bang in sila mag liyu sin pardaakan kanila), in usg iba babai subay tuud sila magad ha pardaakan kanila hinang sila pa didtu. Ha waktu in sila himibal sin bukun pardaakan kanila amu in gumuwa’ sila daying ha ‘ligut’ nila, datungan sila kabugaan dakula’, amu in kiyasakupan ta kita’ sin mata natu, Ha waktu ini.
    • In usug siya in jumaga ha babai, subay nila hurmatun iban parayawun mahanunut in pag da kanila, in Nabi (saw) nagsabda, hisiyu sila igun in kahanunutan in sila igun ha karayawan.” Subay sila matahan ha manga dumatung ha kahalan sin paghula’ hula’, iban subay tuud sila di’ pasakitan, atawa mutang sin lima kanila. In Nabi (saw) nagsabda, “Hisiyu sila nangangahagad pa Allah iban nangangahagad ha adlaw kiyamat subay sila di’ magpasakit (kalu) sin pangdaig nila. Patumtumun ta kamu sin halan sin babai, sin in sila piya awun daying ha hambuuk gusuk sin usug, amu in pinaka bingkuk amuna in dapit pa taas; bang niyu sulayan pabuntulun, mabali’ sila, bang niyu hibin, di’ da siya mahalin bingkuk da siya, hangkan daakun ta kamu ayari niyu marayaw in kababihan.

    ٱلرِّجَالُ قَوَّٲمُونَ عَلَى ٱلنِّسَآءِ

    Kausugan in mag aayad iban magdihil napaka ha manga kababihan. (Surah An-Nisa 4:34)

    Hi Maulana Shaykh Nazim iban sin nawafat na asawa niya, Hajjah Aminah Adil. Lilay niya in kabuhi nila mulliya iban sin asawa niya, amu in kabuhi ha kakuyagan sin Allah kanila, amu in kiya ridaan sin Allah. Al-Fatiha

     

    In hangpu’tagduwa 12 minit ini ha Turkish, kakitaan niyu ha www.Saltanat.org, pi’ kamu ha menu dapit pa tu-u, ‘Nasihat 30.Oct 2010′. Awun siya CC pagdudupunan ubus sin Volume control ha baba’ sin screen, ha pag pi’ sin salin bahasa ha walu bahasa pi-a in Arabic, Bahasa Indonesia/Melayu, German, English, Spanish, Italian, Russian and Turkish, ha waktu sin sahbu Suhbah, in dupunan ha taas magdihil Live Audio salinbahasa pa dugaing manga bahasa. Wayruun dugaing halaman, kabakan in video ini. Saltanat TV amu in Halaman hi Maulana Shaykh Nazim amuna in tanggung iban iyaprubahan sin baran niya.

     

    Lukis lamud kamu amu in lamud kamu ha site ini, hasupaya kaparahan namu’ kamu sulat email unu in mga ba’gu jimajatu, ha mga waktu awn ba’gu hikabutang. Lamud da isab kamu url kamu’ Twitter, kami mga SufiHub. Sulayi niyu mag post sin mga kiyalukis suhbahs misan ha unu, Malayingkan, andu’ lamuran niyu in puunan sin suhbah amu in www.SufiHub.com , para in mga mamamassa makajari ra isab nila baashun in kaybanan hauupu Suhbah dayindi. In mga Post subay hi post jukup. Di’ manjari usalun amu in ha Commercial in karahan niya ha wayruun panghati daying ha SufiHub.

    All rights reserved.

     


    This entry was posted in Suhba. Bookmark the permalink.