Hambuuk Hadees kiyalikusan in katan Panghati

This post is also available in: Anggalis, Bahasa Melayu, Bahasa Turki

Kahaupuan Patumtum hi Maulana shaykh Nazim sin Jumaat

(tiyukbal pag-ubus sin Pardu’ Jumaat)

29th October 2010, Jumaat

Habuuk Hadees kiyalikusan in Katan Panghati

(Maulana dimihil duwa Suhbahs sin adlaw jumaat, hambuuk pag ubus sin sambahayang fajar, pag ubus in hambuuk sin puas Pardu’ Jumaat. Amu ini in hikaruwa Suhbah)

A’uzubillah himinash shaitan nirrajeem

Bismillah-hir Rahman-nir Raheem

Assalamu’alaikum wrh wbkt

  • Maulana magtagna sin mga Suhbah ha Bismillahi ‘r-Rahmani ‘r-Raheem, in katan subay ha babaan sin panji sin Bismillahi ‘r-Rahmani ‘r-Raheem. Jumaat in pinaka sarayawrayaw’ adlaw, Dayindi sampay pa adlaw gana-gana. Bang kaw mabaya’ ha kasanyangan dayindi sampay pa adlaw ahirat, Subay kaw mag-addat/manglaggu’ ha Jumaat. In baran hi Maulana, ha kasiyaman tahun 90 na in pangummulan, hambuukun niya in tuyu’ humagdir sin Pardu’ Jumaat, hangkan biya’diin in kita makasay, bata’ ba’gu biya’ katu’? Ig na kamu daying ha shaitan, Suuk kamu pa Tuhan!
  • In manusiya’ miyagad na ha kahunit sin kabuhianan ha waktu ini, kiyananaman nila in bu’gat duun kanila makusug. In mga Hunus iban ipu ipu, linug, paghibal pagkalubu sin lupa’, Alun panjang, Baha’, mga politik way katutugan, sakit makamatay, pagkalukalu sin magtiyaun, pangitaan na sin astul sin Allah pa Manusiya’naglamud na – Manusiya amu in landu’ nahaylan nautung ha pag ayad niya sin kasanyangan sin pamikil niya ha dunya biyaun sulangsaling.
  • In kaybanan manusiya nangandul sila in hula’ nila ha guwa’ sin mga kugdanan linug, atawa di’ sila maghula ha kiyabutangan kugdanan sin ipu ipu, atawa bukun sila ha lugal kugdanan sin alun panjang. In aramala’ Tuhan in magparatung, bukun sila haunu-unu sadja dumatung sabab sin kariasali! Maulana namayta, in manga aramala’ jukup kaajaban daying ha Aayan,Hatiniya in mga sila kiyugdan daying ha Pagbaya’ sin Nagpapanjari, hangkan ayaw kamu mangandul ha malayu’ kamu pa lugal amun datungan alamara’, kamaumuhan in alamara’ kumugdan ha lugal ha bukun subay didtu? Ha waktu inTtuhan magparatung ipu’ ipu’ atawa alun panjang kumugdan ha kawman atawa daera, tartantu dumatung jukup saruu duun (biya’ sin piyapanduan missile), misan pa in kaawnan niya biya’diin in layu’ ha likusan sin datungan alamara’ npangadji. in katan dumatung ha waktu niya daying ha pagbaya’ sin Tuhan, “Kadtu kaw kawa-a sila!”. Misan pa in kusug sin ipu ipu atawa sin baha’ marayi lapisun sin amu in kiyabayta, sabunnal tuud Allah in nagbaya’ kusug sukuran, Asal in mga manusiya nabuhi ha kabuga ha kusug sin nuclear bomb, malaingkan in bagnet sin kusug sin ajab sin Allah kawasa siya magparatung, mahinang in nuclear bomb biya’ kahantang panayaman sin bata’bata’, ha bayta’ hi Maulana. In kitaniyu nakasakup nakita’ sin ipu ipu makausug duma lumubu, jagjagun panahutun in katan nuclear reactor.
  • Wayruun tuud makaingat sin katutugan sin kabuhi niya, In mga manusiya nabubuhi sila bihayaun ha lawm sadja kabuga’. Ha lawmt sin kabubugaan ini, biya’diin in hikabatuk sin hambuuk manusiya kasajahitraan iban wayna kabugaan? In Rasulullah (saw) dimihil ubat ha Ummat niya. Daying ha hadees siyuysuy hi Sayyidina Abbas (ra), Nagsabda in Nabi, “Ya kaw pangtungud ku! Nangayu’ kaw makapasawum sin Rahmat sin Tuhan dayindi ha Dunya sampay pa adlawahirat.? Ahfizhillah yahfazhak, Duun kaw ha Allah, in Allah duun kaymu. Kullu ‘l-`uloom hunaak, ‘In katan sin panghati yari ri,” Pakitaan in Pagpatikupu mu pa Allah Salamatun kaw sin Allah daying ha Dunya sampay pa adlaw ahirat.
  • Katan sin kitab si Tuhan ha waktu nakauna naghindu nagdara sibuh amanat. Ya kamu Manusiya, sulayi niyu magTuhan, hambuuk katan Tuhan sin Aayan in Tagmilik.
  • Mawlana namayta’ nagpatumtum mahinunut, “Ya kamu manusiya! Duun kamu ha dan sabuntul buntul, dan way kahanggawan, dan malanu’. Subay niyu hibin in kabuhi bihaini (amu in mataas iban baldusa) sin in kamu yan yari na ha, pinaka mangi’.Bang kamu mangayu way kabugaan dayindi sampay pa adlaw mahuli, duun kamu ha pagpatikupu landu’ ha Tuhan, Allah Mahabassal. Ya kamu mga manusiya! Darani niyu in pagpatikupu iban pangahagad pa Nagpapanjari. Pangahagari pa Tuhan in hambuuk masalamat, ha mga sila di’ mangahagad, tartantu awn tuud sadja kabugaan nila dayindi sampay pa ahirat. Ya kamu manga Manusiya! Pangahagad kamu pagtagipun kamu pa Nagpapanjari kaniyu Tuhan sin Aayan in kamu makananam lanab sin kabuhi daying ha dunya sampay pa adlaw gana gana. Duun kamu ha pag patikupu pa Tuhan iban sulayi niyu mangahagari pa Tagipun, ayaw kamu tuud mahinang dih mangahagari! Katan sin kalingugan, katan sin kaajaban, katan sin alamara’, dumatung ha mga manusiya way pangahagad!”
  • Bang kamu limiyu amu in di’ kamu mangahagari, duun sadja kamu ha kabubugaan kabuhi niyu. Ha waktu paratungun in ajab kaniyu, tartantu tuud in kamu landu’ datungan buga’, iban wayruun lanab sin kabuhi’ niyu. Sa’ in mga sila nagkakahagad makatug sila marayaw, di’ sila muga sin mga linug, atawa baha’, atawa kayu atawa ipu ipu, dumatung kanila, pasalan in mga ajab ini tantu di’ tuud sila kugdanan.
  • Ayaw kamu magad ha pamandu’ sin di’ mangahagari. In mga sila mabuga sin paratungun, yan sila ha lima sin mga manglalaung (atawa amu in simusulay manglaungi pa pagTuhan.) Subay massa RabbunAllah Hasbunallah adlaw adlaw, ha ka’patan 40 adlaw, in sila makapaklus daying ha pagmahi sin shaytan, Pindahun sila sin Tuhan pa labi marayaw. Bayta’ hi Maulana, “Ya kamu manga Manusiya! Dihilan ta kamu kusug amun (ha pagbassa ini) amu in di ma angan angan sin katan! In kusug (daying ha pagbassa ini) mas malaggu daying ha nuclear power! Yaa Rabbee, shukur! Ya Nagparatung sin Sabab! Pakusuga in kalunuk namu’ sampay mahinang kami magtaat kami makusug ha pagpamaratsaya iban pagsumba.”

Fatihah.

Patta’ daying ha Ottoman Court


Sahawi

  • Subay ba kaw luusun hinaun atawa pahundungun’ ha pag taat mu pa Allah, ayaw kaw mamaus balik sin makasakit, hinanga magtuytuy bassa kaw Hasbunallah, Robbunallah, (atawa massa kaw ha ini Robbunallah, Hasbunallah) amun hati niya “Allah tumukbal (jukup) para kaku, iban in Allah Tuhanku, (Amu in piyagtawakkalanku)”. Bayta’ hi Maulana, in pagbassa mas labi makusug mahugut daying ha nuclear reactor, hangkan pangahagad kaw pag iman kaw! Biyayta niya ha awal Suhbah dihil ha 27th sin October 2010, amu in pagbassa ini, misan pa in nakura’ way sara amu malugay nagnakura’, mahulug makababa da’. Subay Katan sin nangangahagari manusiya amu in piyagkalaugan, bassa kamu ini ha lawm ka’patan 40 adlaw.
  • Allah amu in Tuput Jukup Tuhan. In Kita niyu subay tuuud tuput jukup huminang sin pardaakan. Subay kitaniyu mamaratsaya Kaniya Jukup. Magpatikupu pa Allah, hati niya magpatikupu’ ha katan Diyaakan iban sin Liyangan, daying ha pinaka asibi sampay na pa pinaka malaggu’, wayruun pag pangasubu, wayruun pagduwa ruwa, way pagbati laul. Pattaa ba in ginhawa mu amu in tumukbal sin pardaakan ha Astana’ sin mahabassal makusug Sultan. Amu in tumukbal sin pardaakan niya, Subay kaw mangagari ha kabayaan sin Sultan mu. Subay kaw magbadju’, manaw, missara, limingkud, kumaun, manghimati, tumukku’ – ha katan sin pangaddatan’ ha lawm sin Astana’. In kabayaan mu di’ mu mahinang, In pagbaya’ sin Sultan mu nakasakup sin katan sin kabuhi mu. Bang siya mabaya’ kaw patindugun ha hambuuk dugu dugu ha pagkakaunan, in o mu timutukku sa lugay sila nagkakaun, iban sin siki mu, way hibuk, way pag atud pa lamisahan – amu tuud yadtu in subay hinangun mu. Bunnal niya, amu yadtu in jimajatu ha Royal court ha katilingkal dunya – in katan magad ha pangaddatan sin Royal protocol bilang pag addat pag patikupu’ ha Sultan, Manghihindu’ pangaddatan ha karuwansipak magkita’ mag liyulaung sambungsiyambungi sin sara’ iban panamung, nakadugaing jukup didtu, daying ha pakaniya pakaniya Royal Court, in katan nakura’ sin manga hula’ miyagad ha pangaddatan..
  • Ha pagsapantun ini, kita-a in vdeo ha baba’, sin anak hi Maulana Shaykh Nazim, Shaykh Baha’uddeen, timabuk’ sin award daying ha Sultan sin Perak sin Tahun limabay, para kan ama’ niya. Jagahi in Royal pangaddatan!

(Bang wayruun masa mu kimita’ sin katan video hangpu’ minit video, subay mu kitaun in huli duwa minit, ha amu in hi Shaykh Baha’uddin nagpatampal timabuk sin award on behalf hi Mawlana Shaykh Nazim)

 


(Ha pag sa’bu sin Silver Jubilee sin Sultan sin Perak Darul Ridwan Malaysia, Sultan Aslan timukbal medal kan Haji Baha’uddin Adil Efendi timabuk’ sin medal para kan Ama’ niya, Shaykh Maulana Nazim al-Haqqani al-Kibrisi. In medal hipagdihil sadja pa mga lamud ha mga ahli sin Sultan, Hati niya hi shaykh Nazim tiyayma’ nila lamud ha Royal Family. Wayruun sa taas taas darajat, amura in medal sin Sultan piyapakay niya.

In anak sin Sultan, Shaykh Raja Ashman Shah, amu in Khalifa Naqshbandi hi Maulana Shaykh Nazim ha katilingkal Asia. Sin nakalabay Ramadhan, hi Maulana Shaykh Nazim namayta’ ha video kabakan ha Saltanat TV, “In mga sila (Shah Raja Ashman’s family) Nanghurmati katu’ Bang mayan, Hurmatun sila sin Allah.”

Ha waktu hi Shaykh Baha’uddin namisita pa Kuala Lumpur sin awal tahun yan, dimihil siya haupu Suhbah ha Zawiyah (Amu in didtu aku nakahagdir, hangkan diyungug sin baranku ini), namayta’ in hi Maulana Shaykh Nazim piyapandang niya in Malaysia, pasal sin Kasilasa niya kan Shaykh Raja Ashman Shah, iban hi Maulana makug tuud kan Shaykh Raja. Didtu ra ha pagtipuntipun yadtu, hi Shaykh Baha’uddin namyta’ kaku’ amu in hi Maulana tuud in nag daak, in kami (daying ha Singapore) dumaran mag bisita kan Shaykh Raja iban maghagdir sin Khatam Khwajagan didtu kaniya, iban mangayu’ kami kamulliyahan. Ha manga sila nakapagbalharap iban hi Shaykh Raja, hilabtik pa layu’ (biya’ na sin aku) sin akhlak pangaddatan niya, Ilmu panghati iban patibaba’. Kiyalasahan sila sin Tuhan iban na sin mga ahli niya.

*In video hi Maulana Shaykh Nazim nanghurmat kan Shaykh Raja Ashman iban sin Ahli nila kabakan ha Saltanat TV, dupuni in ‘Subtitled Videos’, ubus dupuni in ‘Anggalis’, pag ubus dupunan in ’18 September 2010, Wadin Naml’)

  • In ini Court sadja Dunya, iban Sultan ha dunya, kita-a in pagpatikupu iban pangaddatan! Awn manga sila himinang sin ha pagbaya’ nila? In katan ha lawm sin ceremonial addat! Biya’diin na baha’ in ha Court ha Aayan? In kita Bisita niya daying ha dunya sampay pa adlaw gana gana, Biya’diin bang kita ha alupan sin Sultan sin katanSultan biya’diin na in pangaddatan, Malikul Mulk? In Nabi (saw) piyakita’ katu’ biya’diin in pangaddatan ha waktu pag sabda niya, “magkaun aku biya’ ipun, limingkud biya’ ipun, manaw biya’ ipun,” Hangkan in katan subay duun ha panghati niya in siya kiyasakupan sin Allah, subay kitaniyu ha lawm sin pagka ipun natu’, huminang sin sa taastaas taat Mahabassal – amu yadtu in ha lawm sin katan kitab Mulliya. (Bassaha in nakalabay Suhbah amu in hindu’ Sakup siya sin Allah). Ha waktu kitaniyu imiyan ipun, in baran ta bukun sadja amun tumukku’ Kaniya. In Kasuban ta, pagbaya’ ta, napsu ta – katan tumukku’ Kaniya. In Pangatayan tai ban sin Nyawa ta subay makananam’ sin dihil niya jukup na in yadtu. Subay kitaniyu masanyang sin in kitaniyu ipun niya, iban subay di’ kitaniyu mag complain ha bihayadtu.
  • Rasulullah (saw) nagasabda in katan panghati nalikus sin hambuuk hadis ini. Hambuuk amu in dimihil sa taas taas pag taat patikupu’ pa Allah, sin in siya sakup Tuhan, Way pag sual ha katan sin Kabayaan Niya iban na sin liyangan Niya, Nanayma’ sin kasanyangan Kusug Niya, amuna in nagsusukul sadja sin Dihil kaniya sin Tuhan, mabuga tuud siya bang siya Di’ karidaan sin Tuhan, sila in daran nag aayad tuud sin suwara nila. Kakahinang iban in mahalga’ in niyat nila. Amuna in daran nanganagyu sin rida’ daing ha Tuhan, nagmabuga’ tuud siya bang in Tuhan manaykuri daying kaniya. Hangkan amu ini in Katan nakalikus ha katan panghati amu in piya sampay sin katan kitab Mulliya: Dihilan in sa taas taas pag taat iban patikupu’ pa Allah – Tumtuma, ha katan waktu sin kabuhi mu di ha dunya, Siya in tagdapu kaymu.

 

In Suhba ini kakitaan ha www.Saltanat.org, pi-a in menu ha tu-u, ‘Sohbat 29. Oct 2010’. Awn CC dupunan masuuk pa Volume control ha baba’ sin screen, magpi’ salinbahasa daying ha walu bahasa, pi-a in Arabic, Bahasa Indonesia/Melayu, German, English, Spanish, Italian, Russian iban Turkish. Sa’bu ha Live suhbahs, in pagdupunan ha taas magdihil live audio salin bahasa pa dugaing bahasa. Sawpma in video di’ na kabatukan didtu, andu’ kitaa ha archives sin Saltanat TV site. In Saltanat TV amuna in Official Site hi Maulana Shaykh Nazim amuna in iyaprubahan sin baran niya.

Lamud kamu pa halaman ini, hasupaya kaparahan namu’ kamu sulat email, skahaba awn hikabutang suhbah, Urul kamu pa Twitter namu’, kitaniyu SufiHub. Pag post kamu sin mga kiyalukis suhbahs misan ha unu kabayaan niyu, Malayingkan, andu’ lamuran niyu in puunan sin suhbah amu in www.SufiHub.com , para in mga mamamassa makajari ra isab nila baashun in kaybanan kahaupuan Suhbah dayindi. In mga Post subay hi post jukup. Di’ manjari usalun amu in ha Commercial in karahan niya ha wayruun panghati daying ha sufuHub.

All rights reserved.

 


About Khalid (Bahasa Sug/Tagalog)

A Lowest Servant
This entry was posted in Suhba. Bookmark the permalink.